Педагогтерді аттестаттаудан өткізу қағидалары мен шарттары жайлы түсіндіру жұмыстары

11.03.2024 2024 жылдың 11 наурызында мектебімізде мектеп ұстаздарының, Жібек жолы ауылының жалпы орта білім беретін мектеп-лицейі ұстаздары, «Бөбек» балабақшасы қызметкерлерінің қатысуымен педагогтерді аттестаттаудан өткізу қағидалары мен шарттары жайлы түсіндіру жұмыстары жүргізілді. Түсіндіру жұмысы барысында педагогтерді аттестаттаудың жалпы ережелері, аттестаттауды өткізу тәртібі, қызмет нәтижелерін кешенді талдамалық жинақтауды өткізудің тәртібі, педагогтің білімін бағалау тәртібі, педагогтерге біліктілік санаттарын беру (растау) шарттары мен тәртібі, білім беру ұйымдарының басшыларын, басшылардың орынбасарларын аттестаттау шарттары мен тәртібі, біліктілік санатын берудің ерекше тәртібі, өтпелі кезеңде - Платформа жұмыс істей бастағанға дейін педагогтерге біліктілік санаттарын беру (растау) шарттары мен тәртібі, педагогтерге біліктілік санаттарын мерзімінен бұрын беру (растау) шарттары мен тәртібі, сараптамалық кеңестің құрамы және педагогтің қызмет нәтижесін кешенді талдамалық жинақтауды өткізудің тәртібі, педагогтің білімін бағалауды өткізу жайлы мектеп директоры А.А.Туркестанбаева, директордың ғылыми ісі жөніндегі орынбасары А.К.Жунусова баяндап, түсіндіріп өтті.