07.12.2023
Дүйсенбі, 4 желтоқсан күні оқушыларға арналған саптүзеуде қазақ тілі мен әдебиеті пәндерінің ашылу салтанаты өтті. Әдістемелік бірлестік жетекшісі Абдрахманова А.Е. оқушыларды онкүндіктің тақырыбымен, мақсат-міндеттерімен таныстырды. Салтанатты саптүзеу оқушылардың дайындаған әдеби-сазды нөмірлерімен жалғасын тапты. 10-11 сынып оқушыларының оқыған өлеңдері оқушылардың қазақ тіліне деген сүйіспеншілігін арттырып, ұлттық құндылығымызды асқақтатты. 8 сынып оқушыларының «Ерке сылқым» күйіне билеген өнерлеріне оқушылар зор ықыласпен қошемет көрсетті. Саптүзеу соңында оқушылар алдағы іс-шараларға белсенділікпен атсалысуға шақырылды.